Aberto o prazo de inscrición para participar nun musical
Santiago. A dirección do club Rúa Nueva ultima estes días os detalles dunha das actividades estrela desta tempada. Trátase do musical Live it Up, dirixido a estudantes de terceiro de Primaria a segundo de Bacharelato, que desexen participar nun proxecto novo e divertido. Baixo a dirección de Sonsoles Esteve, o musical está aberto a nenas que saiban cantar, bailar ou actuar. Así, tras a celebración do castin, previsto para o próximo sábado, 1 de febreiro, ás 10.30 horas, darán comezo os ensaios, que terán lugar os venres, de 19.30 a 20.30 horas, para as alumnas de terceiro a sexto de Primaria, e os sábados, de 18.30 a 19.30 horas, para as de primeiro de Secundaria a segundo de Bacharelato, na sede do club.O musical participará nun concurso que se celebrará en León os días 14 e 15 de marzo, e posteriormente presentarase ao público en Compostela. Aquelas persoas interesadas poden inscribirse xa na asociación para realizar a proba, chamando ao número de teléfono 981531059 polas tardes, ou a través do correo electrónico info@ruanueva.org.
Ningún comentario:
Publicar un comentario