O obxectivo de InvestigArte é achegar a investigación científica e a súa importancia á sociedade utilizando como vehículo os medios visuais (fotografía, ilustración, video, etc), medios accesibles e visualmente atractivos que permiten, acompañados de pequenos textos, a divulgación de forma sinxela de descubrimentos científicos actuais doutro modo inaccesibles para a maioría da poboación. Poden participar alumnos de ESO, Bacharelato e Formación profesional. O prazo para presentar traballos estará aberto ata o 3 de marzo de 2014.

Concurso "Explícoche Matemáticas 2.0" da USC

-Poderán participar no Concurso "Explícoche Matemáticas 2.0" convocado pola USC calquera alumna/o das universidades galegas, de maneira individual ou en grupo, estudantes de 3º e 4º da ESO e de bacharelato dos centros de educación secundaria de Galicia, en grupos dun máximo de tres estudantes, coordinados por un profesor/a.
-Os participantes deberán presentar un vídeo de, como máximo, dous minutos de duración sobre un tema relacionado coas Matemáticas, ben desde un punto de vista formal (definición dun concepto, un teorema, idea intuitiva e/ou aplicación), ou ben, cun carácter divulgador.

Prazo para participar: ata o 31 de marzo de 2014.

Premios literarios Minerva

O colexio M. Peleteiro  convoca premios literarios para alumnado de 3º, 4º de ESO e Bacharelato de calquera centro galego. Modalidades de: - Poesía, cun conxunto de tres poemas. - Narración, de tema libre, cunha extensión máxima de seis folios. O prazo de entrega estará aberto ata o 14 de marzo de 2014. Os tres premios de cada modalide están dotados de 600, 400 e 250 € respectivamente. Aos galardoados faraselles tamén entrega dunha medalla de prata conmemorativa e as súas obras serán publicadas polo Colexio.

XXIV Concurso de Contos Vila de Pontedeume

O concurso de contos está dirixido a estudantes de segundo ciclo da ESO, Bacharelato e ciclos formativos de Grao Medio ou Superior, cuxa idade non supere os 20 anos. O prazo de presentación estará aberto ata o 8 de abril de 2014. Premio: 759,50 €.

http://xuventude.xunta.es/2014021412552/xxiv-concurso-de-contos-vila-de-pontedeume.html

Oixuventude Traballo

Link da páxina:

http://xuventude.xunta.es/2014021312534/xi-concurso-escolar-de-debuxos-valedor-do-pobo.html

XI Concurso Escolar de debuxo Valedor do pobo; no Xoves, 13 de Febreiro 2014 as 11:24

A Valedora do pobo de España, coa colaboración da ONG Globalización dos Dereitos Humanos, convocan o XI Concurso Escolar de debuxo Valedor do pobo.

1. Poderán participar todos os alumnos de ensinanzas Primaria e Secundaria de España.
2. Os premios serán entregados en Madrid pola Valedora do pobo.
3. Para poder participar no concurso cada alumno deberá presentar un debuxo orixinal, con calquera material ou técnica, relativo aos dereitos humanos. O debuxo presentarase nunha folla de papel de tamaño A4.
4. Establécense seis premios: tres para Primaria e tres para Secundaria, (ESO, bacharelato e ciclos formativos de Grao Medio) consistentes nun ordenador portátil netbook para cada gañador. Os premiados tamén recibirán do Valedor do pobo unha axuda económica para o seu desprazamento a Madrid para recoller o premio. O xurado poderá conceder as mencións honoríficas que considere oportunas, así como declarar deserto calquera dos premios.
 

5. Os centros educativos con alumnos premiados recibirán un diploma de recoñecemento.
6. Os traballos candidatos ao premio faranse chegar, antes do 20 de abril de 2014, á seguinte dirección postal: Apartado de correos 15020, 46015 Valencia.
7. Para identificar perfectamente todos os traballos, os debuxos deberán levar pegado ou grampado un sobre en cuxo exterior se faga constar "Concurso Valedor do pobo 2014" e o curso no que estea matriculado o concursante, e en cuxo interior debe figurar o nome e apelido do concursante, a súa idade (en caso de ser menor deberá contar cunha autorización dos seus pais ou titores para participar segundo formulario que se achega), curso e centro en que estea matriculado, así como o teléfono do centro.
Os concursantes menores de idade deberán acompañar o seu traballo cunha autorización dos seus pais ou titores legais, segundo o formulario ofcial das bases.

Máis información en http://concursodibujos.defensordelpueblo.es/2013_bases.html